Një tjetër sezon i shumëpritur i Big Brother VIP Albania po afron, dhe këtë herë lajmet paraprake kanë ardhur nga opinionisti dhe personazhi i njohur i rrjeteve sociale, Olti Curri, i cili ka zbuluar një listë të re të mundshme banorësh, si edhe datën e nisjes së spektaklit.
Sipas informacioneve që ai ka ndarë, edicionin e pestë të BBV pritet të nisë më 20 dhjetor, duke shënuar kështu startin e një sezoni që paralajmërohet më i fortë se të mëparshmit. Për të gjithë fansat e reality-show-t, ky lajm ka ndezur kuriozitetin, ndërsa vëmendja është përqendruar te personazhet që mund t’i shohim brenda shtëpisë më të famshme në Shqipëri.
Lista e personazheve të përfolur
Olti Curri pretendon se ka zbuluar disa prej emrave që mund të jenë pjesë e Big Brother VIP 5. Edhe pse asnjë prej tyre nuk është konfirmuar zyrtarisht nga Top Channel, emrat kanë shkaktuar reagime të menjëhershme në rrjet.
Ndër më të përfolurit janë:
- Enxhi Nasufi, moderatorja e njohur e mëngjesit
- Neada Muçaj, një tjetër fytyrë televizive nga programi “Wake Up”
- Anxhela Martini, modelja me famë ndërkombëtare
- Robert Aliaj Dragot, artisti kontrovers dhe babai i ish-banorit Kristi Aliaj
- Juxhin Plovishti, aktor i vlerësuar nga publiku
- Ardi Murataj, personazh i ndjekur në rrjete sociale
- Sabina Mete, këngëtare dhe influencuese
- Ina Pashollari, vajza e njohur nga TikTok-u
- Lore, këngëtare e re në tregun muzikor
- Valer Kolnikaj, ish-banor i “Big Brother Albania”
- Kleoniki Delijorgji, modele e njohur
- Jori Mersini, personazh i ri mediatik
Ky kombinim i personazheve televizivë, artistëve, influencuesve dhe figurave të përfolura sugjeron se sezoni i ri mund të sjellë përplasje, dinamika të forta dhe momente që do të komentohen për javë të tëra.